Description

Tuïc Yiith paan de adhuëŋ ku ye paan de maŋeeny, anɔŋ cieŋ
ku akökööl loithook ë ŋui në piɛ̈th ka riɛ̈i yiic kedhie. Na yïn
ya, ke them ku arët bukku kä thɛɛr kuɔ wïk në guïŋ de cök ke ke kën
yiic guɔ riɛl në yök, ŋic ku keek ku piööc ku röt në keek. Dukku kä loi
röt ë mannthiɔ̈kkë, dukku ke ɣoi wei ku wïk ku kä ke miäk në guiɛ̈ɛ̈r
ago miäk wɔ cï mom piny ke wɔ kën röt guiir.
Yic thieek de baai ku dik de anï në ŋiɛ̈i ciɛ̈ɛ̈ŋ de root de yic. Tuïc
Yiith ke ye akur töŋ de kuut ke Jiɛ̈ɛ̈ŋ yiic, anɔŋ ciin dïït lɔ wai në cil,
döc ku kä juëi pieth kɔ̈k ye cieŋ de baai ku thuɔŋjäŋ tuëët.
Tuïc anɔŋ piny pieth cï thieei, piny nɔŋ yic kä pieth ye ye cuaai ke
ye jur ku ye pïïr cɔk nɔŋ amitic të nɔŋ yeen ku kä pïr nï thïn.
Tuïc e juɔ̈ɔ̈r adhuëŋ lɔmälläny, jur lɔ duk lɔ dïu cït arialbeek bäny
de diɛr. “Din cïn guɔ̈u anäi, acïn kë de ke raan dɛ̈.” (Kɔmïconna: Diiŋ
Akɔ̈l).
Ee jur ŋïc root mai ku ye root ŋiɛ̈i guiir në ceŋ. Athek jerɛ̈ɛ̈n ke ku
rïu kuɛɛr keen ke cieŋ ku pïïr yï kë ke kuany cök ku luui kë keek. Ee
juɔ̈ɔ̈r dugɛ̈m thek duciɛ̈k në kuɛɛr kedhie.